Epytaphium Guidonis archidiaconi

Quid species, quid res, quid opes, quid sanguis avorum

      Quid dedit ampla tibi gloria, Wido? nichil.

Vir magnae fidei, morum, generis, speciei,

      Dum quod eras fies: hic tibi facta quies.

5

Remorum populis aeternum, Guido, querende,

      Archidiaconii functus honore iaces,

In quo, dum coelum sol permeat, et mare velum,

      Terraque dum steterit, par tibi nullus erit.

Apula terra sacrum cinerem complectitur, in qua

10

      Illecebris spretis monachus esse petis.

Claro pontifici memorandus sepe Manasse.

      Occidis, et nobis sepe dolendus obis.