Credo, rex, vos delectari his miris verissimis,

Quae per sanctum operari placuit altissimo.

Qui si tanta vivens egit in praesenti saeculo,

Quanta modo impetrare valet in perpetuo!

Dum sanctorum memorantur facta vel miracula,

Ad virtutes promerendas roboratur animus.

Quorum tamen non valemus assequi potentiam,

Studeamus imitari fidem, spem et caetera.

Si petamus et quaeramus pulsemusque iugiter:

Datur nobis, invenimus, aperitur caelitus.

Petimus bene vivendo ac rogando quaerimus,

Pulsamus perseverando; sic cuncta consequimur.