Haec est vera fides, caeli quae ducit ad aulam,

      Hanc teneat, requiem quisquis habere cupit.

Est etenim virtus cunctis credentibus ampla

      More fide trino phise placere deo.

5

Summus apex Karolus Caesar, pax orbis opima,

      Huic turmas hominum subdere colla docet.

Altior ut cuncti regni rex unus honore,

      More, fides forma Caesar, ut opto prior,

Qui sibi praesentis regni concesserat arcem,

10

      Arce poli summum det sibi, posco, locum.

Exiguus regi parvum nunc reddo libellum

      Collectum ex variis flore comante rosis.