Laudibus eximiis celebrantur saecula prisca,

      Omneque praeteritum gratificare solet,

Cum moveat praesens clamosis ora loquellis,

      Adgravat et plebis corda molesta dies.

5

Credere quae sese incertis successibus ultro,

      Aut etiam nimia speque futura capit.

Hoc homines inter passim contingit haberi,

      Rumori veterum cedere fama nova.

Nobis econtra ordo est commutatus et usus,

10

      Priscis quaeque extant tempora praeferimus.

In quis Romuleum summa virtute gubernat

      Imperium dominus pacificus Karolus,

Cui cedunt proceres et gloria celsa priorum,

      Solis obumbrantur sidera ceu radiis,

15

Flumina ceu Nilo, colles vincuntur Olimpo,

      Argento obrizum plus velut ore nitet:

Sic, auguste, tibi cedit iam, maxime regum,

      Fama, vigor, virtus, gloria, nomen, honor.

Singula nam reliquis virtutum dona redundant?

20

      In te cuncta videt quisque notando probat.

Sunt, quos forma decens, alios ventosa loquella,

      Nobilis aut sanguis dextrave Marte potens