Quisquis alumne, velis varias cognoscere rerum

      Causas, nutricem me cole corde piam.

Sedulus esto mei cultor, devotus amator,

      Intentus humilis pectore, mente, manu.

5

Aeternas poteris nostras hinc prendere gazas,

      Quae fragiles procerum divitias superant.

Quis conlata simul species quaecunque videtur

      Clara per aspectum, cedit honore minor.

Ast ego quae pridem sotium solata laboris

10

      Adflictos variis sum comitata malis,

In laetis tristes, laetos in tristibus esse,

      Cunctos praemonui sic fore saepe meos.

Huius in adversis vitae nec morte reliqui,

      Sed labente die lucidiora dedi.