Suscipe, Christe, animas carae genitricis in aula:

      Est pater et frater, suscipe Christe animas.

Mortua membra iacent, primus quae pertulit Adam;

      Iesu, vita veni: mortua membra iacent.

5

Corpora cuncta levas hominum de pulvere terrae,

      Cum tuba clara sonat, corpora cuncta levas.

Colligat hos cineres pariter caeloque recondat,

      Dextera quae fecit, colligat hos cineres.

Respice, Christe, preces fratrum pro fratribus istis,

10

      Quasque rigant lacrimae, respice, Christe, preces.