Mars obit in terris, deflent par sidera sidus,

      Numina par numen, parque decora decus.

Res noua! temporibus moriuntur numina nostris,

      Amodo credibile est numina posse mori.

5

Vnicus ille ruit, cuius non terga sagittam,

      Cuius nosse pedes non potuere fugam.

Nil nisi fulmen erat, quotiens res ipsa monebat,

      Et si non fulmen, fulminis instar erat.

Flandria se iactat tumulo, Normannia cunis,

10

      Hic fuit occasus sideris, ortus ibi.