Quam velim virginum, si detur opcio?

Consulti pectoris vtar iudicio.

Non vagam animo, non turpem faciam

Thori participem, curarum sociam.

5

Pudoris prodigam non eligam

Nec Sabinam moribus amoribus.

Non curo teneram etate primula;

Non arat sapiens in tali vitula;

Est enim sacius cognosse puberem,

10

Que blandam senciat ex equo Venerem.

Si ruga lineas suas arauerit,

Senecta capiti niues asperserit,

Non declinauerim ad eius gremium,

Licet in purpura redimat senium.

15

Tam mea, tam meus

Deliciosus amor, deliciosa Venus.