Ave mater, stella maris,

Tu que virgo sola paris,

In te vita fit mortalis

Spiritusque corporalis.

Eya hec epithalamia

Celebri memoria

Concinant ecclesia.

O quam digna res stupore,

Quod pudoris salvo flore

Mamma divo plena rore

Lactat Christum ros aurore.

Eya hec epithalamia

Celebri memoria

Concinant ecclesia.

Conqueratur iam natura,

<Ruunt> eius enim iura,

Quando factor fit factura

Et creator creatura.

Eya hec epithalamia

Celebri memoria

Concinant ecclesia.

Ergo gemma castitatis,

Spes eterne libertatis,

Servos tue sanctitatis

Fac concives trinitatis.

Amen.