Vox, filomela, tua metrorum carmina vincit

      Et superat miris flamina magna modis.

Vox, filomela, tua dulcis super organa pergit,

      Cantica nam suabe fulgide magna canit.

5

Vox, philomela, tua superat sic gutture Musas,

      Vt citharas vincat sibila ter tua, ter.

Sicque liras dulces cordarum pollice ductas

      Excellis mulcens, corda fobens hominum.

Cedat omnigena, tibi vox quoque garrula cedat,

10

      Iudice me carmen fulgeat homne tuum.

Nulla certe tibi equeter nunc cantibus ales:

      Et victrix hominum voce feras superum.

Dic ergo varias blande modulamine voces

      Et funde solite gutture sepe melos.

15

Porrige dulcissonum gaudenti pectore plectrum

      Et dulce tibias gutture clange sonans.

Gloria summa deo dico per secula Christo,

      Qui nobis famulis gaudia tanta dedit.