Gratior

      Ducamus letum lucis honore diem:

Absit mestitie langor, perdiscat et ipse

      Temporis exacti tristis abire dolor.

5

Karior hac mundi iocunda luce sodalis

      Dulcia nunc nobis carmina misit ovans,

Carmina quae nostras tollant ad sidera mentes,

      Carmina quae sanctus ornat et almus amor.

Non illum colles, non illum denique valles,

10

      Non rapidi fluctus exsuperare queunt:

Cedunt et silve, cedunt et maxima terre

      Iugera, dum vincit cuncta fidelis amor,

Celsior et scopulis et vallibus altior imis

      Otior atque ipsis amnibus et zephyris.

15

Quem licet ardentem succendit fortius alto

      Audinus nostri totus amore calens.