Contulit hic igitur praedictus nomine praesul

      Aecclesiae dictae aurea dona satis.

E quibus innumeris paucissima nempe canemus,

      Nam cum sint nimia, nec numerantur ea.

5

Huic regina potens Iudith cognomine dicta

      Mirifici calicis aurea dona dedit.

Obtulit hunc sancti mox salvatoris ad aram

      Ac sanctae Mariae, martyris et Stephani,

Necnon, martirii parilis quos palma beavit,

10

      Gervasii sancti Prothasiique simul.

Hinc quoque vestimenta dedit pulcherrima trina,

      Quis fruitur digne pontificalis honor.

Obtulit hic iterum devota mente sacerdos

      Altera mirifica plurima seu varia,

15

Quisque sacerdotes utuntur tempore sacro;

      Denique levitis altera plura dedit.

Hinc reliquis gradibus concessit singula cunctis

      Quaeque necessaria esse sciebat eis.