Bis quadringentis triginta atque octo volutis

      Annis salvator natus ut est dominus,

Iure suum faciens indictio prima recursum,

      Quae certis numeris temporibusque volat,

5

Imperii domnus compleret dum Hludowicus

      Bis denos annos denique quinque super;

Implens Aldricus senos feliciter annos,

      Ex quo illi datus est pontificalis honor,

Non alius quam quem Cenomannis in urbe priores

10

      Excoluere pii et tenuere patres;

Vndenos Maius propria vertigine mensis

      Perficiens celeres mundo abeunte dies:

Praedictus praesul tunc aram iure dicavit

      Aecclesiae, recubat qua Karilephus ovans.

15

In domini sacrans hanc salvatoris honore

      Virginis et Mariae matris et altithroni;

Sed nec excipitur ab hoc Martinus honore

      Christi confessor praecipuusque pater.

Praefixo ergo die praefixus nomine praesul

20

      Suscipitur dicto inque monasterio,

Vt docet ordo sacer, sanctum decet ut seniorem,

      A sanctis patribus nobilibusque viris.

Extitit hoc primo postquam Caesar Hludowicus

      Reddidit hoc sibimet aecclesiaeque suae.

25

Cui da, cunctipotens, hanc optime ducere vitam.

      Insuper et requiem annue perpetuam.