Post heremum Christi ipse etiam baptisma peractum

      <>

Qui primum temptando hominem iam depulit olim

      Melliflua sede, heheu, quam valide,

5

Ipse etenim fallax accessit fraude maligna,

      Affatur verbis pestifer horribilis:

"Es si forte dei genitus, dic vertere petras

      In formam panis visibilem placidi."

Talia de sancta graphia fatur Iesus:

10

      "Non solo in pane, livide, vivit homo,

Sed tantum patris ex, verbo, quod prodit, in omni

      Ore dei, sanctus pascitur hoc animus."

Post templum super assumpsisset culminis alti

      Temptator dominum, voce refert stolida:

15

"Si patris es natus, terra tenus excute corpus:

      Extemplo veniet angelica legio

Et manibus tollet, neque pes allidere possit

      Vndique protectus ad lapidem proprius."

Sic dominus humili contra sermone fatetur:

20

      "Non temptabis," ait "serve, tuum dominum."

Deinde celer scandens mundique cacumina montis

      Ostendit regna: "Haec tibi trado libens,

Si tantum terrae memet revolutus adores."

      Econtra dominus talia sic loquitur:

25

"Vade" inquit "dominoque tu<o> te subde, maligne;

      Illi etenim soli subditus esto patri."

Audiit haec demon, siluit presseque recessit;

      Assistunt angeli et famulantur ei.