Accipe, quaeso, meum, carissime, carmen ineptum,

      Iuxta quod potis est, perfice, quaeque monet

"Fac" inquit "valeas compar quo fingere versus,

      Vnde queas nostris ludere cum sociis.

5

Nam bifax minime maneas ceu quaeris adesse:

      Quod vitium summus odit, adelfe, deus.

Ebrietatem etiam studeas contempnere nec non:

      Ne te perversus ludificet zabulus.

Sis tantum verax parcus humilisque pudicus:

10

      Tunc poteris summo rite placere deo.

Summa tibi, pariter moneo, pax cordis in antro

      Obtineat sessum fine tenus validum.

Iudicium metue mortis, qui<a> iam petit orbis

      Occasum cursu praepete et interitum.

15

Cernimus hoc omnes pariter iuvenesque senesque:

      Luciflui idcirco sis memor, oro, poli,

Diripiunt validi nec non quem iure beati;

      Cernere uterque simul quem mereamur. Amen."

Interea pax sit vitaeque salus <tibi>, posco,

20

      Persolvas donec corporis officium.