Aediculam, Christe, egregiam venerabilis abba

      Hanc statuit Hetti plenus amore tui

Nec non sanctorum, sita sunt hic corpora quorum:

      Scilicet Eusebii martyris eximii,

5

Pontiani pariter, Peregrini iure colendi,

      Qui pro martyrio regna superna colunt.

Detulit hos Roma, tumulavit hicque honeste;

      Cernitur omne quod hic, horum in honore dedit.

Quorum pro meritis miracula plura videntur

10

      In hac ostensa saepius aedicula.

Huic etenim structori dic, rogo, lector, adesse

      Hic et in aeternum prospera cuncta simul.

Audiat ipse sibi demum Christumque loquentem

      Intrans iam domini gaudia magna tui

15

Almorum meritis intervenientibus, ossa

      Quorum sarcofagis condidit egregiis.