Saepius hac residet Christus susceptus in aede;

      Scemate sub hominis saepius hac residet.

Hoc veneranda cohors fratrum veneranter adorat;

      Diligit amplectens hoc veneranda cohors.

5

Ianitor o miserans, laeto quod suscipe vultu,

      Quaeque potes, tribue, ianitor o miserans.

Iam quia hic sedeo Christus sub imagine servi,

      Ac peregrini habitu iam quia hic sedeo,

Sit benedicta cohors fratrum mihimet famulando;

10

      Hic et in aeternum sit benedicta cohors.

Hostis atrox fugiat parvaque recedat ab aede:

      Quo pax hic maneat, hostis atrox fugiat.