Hic retinet corpus Ruodulfi tellus humatum,

      Cuius percelebre nomen in orbe cluit.

Tempore sub magno Hludowici vixit honore

      Ipsius auletis Caesaris egregiis.

5

Nec minus in sceptro Karoli regis decoratus

      Mansit consilio pace fideque bono,

Illius inter primates nullus prior illo,

      Cuius diversa regna genus decorat:

Hoc renitet Karolus, Francorum rexque lucerna

10

      In candelabro fixa manens solido.

Idibus octonis Iani decessit ab ista

      Luce: potens domine, cui superam tribue.

Hoc, lector, relegens lingua feriendo palatum

      Dic: "Ruodulfi anima pace quiescat, amen."