Hac gemini parva sancti memorantur in ara:

      Iohannes genitus, Zacharias genitor.

Aurant hic Stephani digne protomartyris almi,

      Iusti reliquiae Simeonisque sacrae.

5

In hac Ieronimi cripta memoratio sacri

      Efficitur, sancti Efremis, Equitii.

<>

      Quintini sancti relliquiaeque simul.

Haec in honore crucis constat sanctae ara dicata,

10

      Qua Christi sacrat mistica dona sacer.

Armifer hic domini colitur Dionisius, una

      Rusticus ac sanctus atque Eleutherius.

Ornat hanc Christi mensam Mauricius almus

      Atque Exsuperius, Candidus egregius.

15

Gregorius structura humili veneratur in ista,

      Clarus Romana qui fuit eclesia.

Possidet hanc levita dei Laurentius aram

      Cum Sebastiano necne Valeriano.

Praesulis egregii Martini mentio hic fit,

20

      Germani sancti, Servatii almivoli,

Vedasti, Elegii, Walerici Remigiique

      Cum patre Medardo magnificoque Lupo.

Haec in honore patris Benedicti stat titulata

      Ara, ovium pastor qui fuit eximius.