His, fateor, colaphos, alapas tu sumere plures

      <>

Quapropter domino assidue quoque reddere votum

      Promissum studeat, donec adesse valet.

5

Denique profusa terra tenus excipe verba

      Illius et cursu sume, rogo, celeri.

Tunc saltus peragra ac tensum mare curre per ipsum,

      Invia perque loca, flumina per gelida,

Quatenus ad nostrum valeas remeare locellum:

10

      Vtrum etenim noster necne, refer, valeat.

Hoc (moneo) tibi, compluta, caveas quoque, ne sis,

      Ne subito verba sic pereant placida.

Fortunatus adest, mitti mihi, si tibi, quaeso;

      Sin vero minime, semper, amice, vale.

15

Gratia celsithroni te semper servet in aevum

      Ac tibi perpetua sit sine fine salus.

Vt valeas, nostri, per saecula plurima, mandant,

      Guntlandus pinguis, Hericius tenuis.