Suscipe directum, carissime, munus amici

      Et placeat merito, vile quod est pretio.

Non aurum fulvum neque gemmae sunt mihi carae,

      Sed magnam inopiam cellula nostra tegit.

5

Quapropter nimium verecundus hoc quoque munus

      Dirigo perparvum; sume tamen placide.

Nam gestit noster animus tibi plura parare:

      Tantisper parvum, quaeso, pater, capies.

Et tibi laeta dies hodie ac numerosa per annos

10

      Sit, rogitant nostri versiculi insipidi.

Dum resides propter cineres, quos perlege solus;

      Ipsos Vulcano porrige post, rogito.