O socii, mecum studeatis ludere, quaeso,

      Non trocho infantum, sed calamo iuvenum.

Quapropter moneo: assidue certare studete;

      Ludere iam pudeat, discere ne pigeat,

5

Ne post peniteat, veluti me saepe remordet

      Illud, quod potui carpere, sed renui.

Donec tempus adest, vigilate nocte dieque,

      Ne domini exesum salarium doleant.

Eheu, quam pedetemptim occurrit curva senectus;

10

      Suadeo propterea: quaerite suffugium.

Si cupitis sophiam perquirere mente sagaci,

      Parcendo ventri matirius veniet:

Venter nam nimium distentus satque recusat,

      Sensum, difficile, gignere pertenuem,

15

Ei mihi, quam sero cum doctis ludere tempto.

      Compedibus strictus currere sed nequeo.

Da nobis, domine, dextram, miserere misertus

      Ferque pedem miseris, ludere quo valeant.