1

Audiat celum atque terra, universus populus

Tartarucum et Infernum invicem sibi loquentes.

Videte principem mortis religatum in tormentis.

2

Belua sevissima dixit: "Potentes quos seculi

Ad te, Infer, iam adduxi, te non valent effugere."

Videte principem mortis religatum in tormentis.

3

Caecus miser tunc Infernus cum tremore loquitur:

"Abstractus de sede mea Lazarus, quem adduxisti."

Videte principem mortis religatum in tormentis.

4

Dixit Infer ad Satanan: "Quis est ille tam magnus,

Potens et fortis in bello? Ab illo eris superandus."

Videte principem mortis religatum in tormentis.

"Ego scio, quis est ille, Iesus enim dicitur;

Vinctum ipsum tibi trado, sicut feci omnes gentes."

Videte principem mortis religatum in tormentis.

6

"Fortis timor me concutit", dixit Infer pavidus:

"Es cum illo pugnaturus et ab ipso religandus."

Videte principem mortis religatum in tormentis.