Ortum sacre quisque cupis nosse quadragesime

Ebreorum seu pasche invenire ferias,

Sic per annos decem novem regulares computa:

Vndecimus ac secundus necnon quintus decimus

5

Vnum anni regularem nempe sumunt pariter.

Binos annus quartus tantum, sic septimus decimus,

Ternos portant sextus annus decimusque pariter;

Nonus decimus concordat horum namque ordini.

Quattuor octavus annus atque duodecimus

10

Sextus decimusque simul gestant atque quattuor.

Primus annus quinque habet ac quintus similiter,

Quartus decimus hos sequens octavusque decimus.

Tertius sex annus sumit cum socio septimo,

Septem quoque nonus annus tertiusque decimus.

15

Isti quoque et concurrens iuncti monstrant ferias

Ebreorum tam paschales quamque quadragesime.