Quadragesime si scire semper vis initium,

Ebreorum vide pascha in quo mense veniat

Vel quot dies infra mensem quota vel in feria;

Dies pasche Ebreorum computa, dum venias

5

Ad nostrum pascha, compertum adde super numerum

Dierum pasche decemseptem annis equalibus,

Adde semper et ter sex in annis bissextilibus.

Quodsi nostrum pascha in Adar erit et ascenderit

Istorum numerus dierum super dies Februi,

10

Subtrahe Adar quot dies annum per habuerit;

Post Adar subtractos dies quotque superaverint,

In tot dies fiet sacre Marcii initium

Quadragesime. Si nostrum in Nisane venerit

Pascha, tolle ex diebus, quos iunxisti antea,

15

Super dies pasche decem septem et bis novies

Nisan dies triginta unum, nam et quot remanserint,

Quadragesime tot dies in Adar initium.

Si non super egredietur Adar dies numerus,

Queritur iuxta nam numerum, quid stet per initium

20

Quadragesime in mense namque Februario.

Laus honor virtusque deo nostro sit et gloria.