1

Post has nectit subsequentes in secunda specie

Septimam atque octavam sapientum studium,

Vt est deleo delevi, gaudeo gavisus sum.

2

Addunt etiam et istas ad correptam tertiam

Io terminatas quinque formas, nam est decima

Supra nonam i vi mutans, ut cupivi cupii.

3

Vi terminatur sequens ut sapui sapio,

Sigma litteram bis sena ut percussi geminat;

In xi ut aspexi exit tertia et decima.

4

Leniter hinc bis septena ut salio salii

Geminatur, sex sunt io terminatae formulae

Tertiae correptae, binas bis producta retinet.

5

Vo terminata verba duas habent species:

Quinta decima fit ita: induo et indui;

Instruo instruxi datur formae sextae decimae.

6

Septima ut ago egi a e mutat decima,

Fitque longa, sed non crescit subsequenti formula:

Mutat a ut frango fregi, n et perit consonans.

7

Fit hoc species tenore nona atque decima,

N sine vocali sola perimitur consonans,

Scindo ut est atque scidi: addamus vicesimam.

8

Exit haec in psi ut carpsi; prima et vicesima

S ut messui habetur geminata littera;

Hinc ut fisus sum secunda ad passivum transmeat.

9

Coniugationi quartae una tantum iuncta est,

Hoc est sexta super illas quinque, ut praemissum est:

Io aperio, quae mutat in ui aperui.

10

Istas si quis quadraginta . . . . .

. . . . . humiliter

. . quid certe . . . tur . . ..