1.

Hadriano summo papae patrique beato

      Rex Carolus salve mando valeque, pater.

Presul apostolicae munus hoc sume cathedrae,

      Vile foris visu, stemma sed intus habens.

5

Organa Davitico gestat modulantia plectro,

      Continet et lyricos suavisonosque melos.

Haec tua, Christe, chelys miracula concinit alma,

      Qui clavem David, sceptra domumque tenes.

Mystica septeno fuerant haec trusa sigillo

10

      Carmina, ni Christus panderet ista deus.

Hoc vobis ideo munus, pie, dedo, sacerdos;

      Filius ut mentem patris adire queam;

Ac memorere mei precibus sanctisque piisque,

      Hoc donum exiguum saepe tenendo manu.

15

Et quamquam modico niteat splendore libellus,

      Davidis placeat celsa camoena tibi.

Rivulus iste meus teneatur flumine vestro,

      Floriferumque nemus floscula nostra petant.

Incolumis vigeas rector per tempora longa

20

      Ecclesiamque dei dogmatis arte regas.