2.

Aurea Daviticos en pingit littera cantus:

      Ornari decuit tam bene tale melos.

Aurea verba sonant, promittunt aurea regna,

      Mansurumque canunt et sine fine bonum.

5

Haec merito tabulis cultim decorantur eburnis,

      Quas mire exculpsit ingeniosa manus.

Illic psalterii prima ostentatur origo,

      Et rex doctiloquax ipse canere choro,

Vtque decus rediit sublatis sentibus olim,

10

      Quod fuerat studio pervigilante viri.

Aurea progenies, fulvo lucidior auro,

      Carle, iubar nostrum, plebis et altus amor,

Rex pie, dux sapiens, virtute insignis et armis,

      Quem decet omne decens quicquid in orbe placet,

15

Exigui famuli Dagulfi sume laborem

      Dignanter, docto mitis et ore lege.

Sic tua per multos decorentur sceptra triumphos,

      Davitico et demum consociere choro.