1.

Discite nunc, pueri! Docilis cito vertitur aetas,

      Tempora praetereunt, axe rotante diem.

Ardenti ut sonipes carpit celer aequora cursu,

      Sic volat, heu, iuvenis non remanente gradu.

5

Curvantur facili vi lenta cacumina virgae,

      Sed rigidos ramos flectere nemo valet.

Dum faciles animi vobis sint forte, sodales,

      Discere ne pigeat scita superna dei.

Ne bene concessum spatium perdatis inane,

10

      Nam sine doctrina vita perit hominum.