3. versus Aegidii Parisiensis

Scire cupis, lector, quis codicis istius auctor.

      Audi quid breuiter dicat ad ista liber.

Petrus et Egidius me conscripsere, sed ille

      Auctor, corrector ultimus iste fuit.

5

Ille prior Remis, hic Parisiensis alumpnus;

      Hic lenita gradu, presbyter ille fuit;

Simplex clericus hic, sacri ordinis ille professor;

      Ambo graues annis, hic uir, ille senex.

Alter adinuenit operam, sed in ordine peccans

10

      Omnia dimisit sensibus ire uagis:

Alter acu typica distinctis uersibus unum

      Consuit in corpus atque reuinxit opus.

Alter abundantis studii, sed acutior alter

      Quis preponendi debuit ordo geri.