7. Aegidius de se

Hec ubi iam dixi, sit sufficientia dicti,

      Nam bene cuncta reor exposuisse tibi.

Egidii nescit ter mensis musa docendis,

      Se quibus inplicuit, ut libet, esse breuis;

5

Nam nisi deducat in apertum cuncta tenorem

      Sicut mens dictat, desipuisse putat.

Cumque aliquid lego, rectus ibi mox queritur ordo,

      Omnia ut pateant inque tenore bono.

Si secus inuenio, supplendi cetera uoto

10

      Sepius haud possum continuisse manum.

Hec michi causa fuit ut Rige munitio Petri

      Cresceret in mixtis Biblioteca metris.

[Nam bene non poterat plena integritate doceri

      Si non sciretur quidquid abesset ibi.

15

Hoc autem adiuncto iam detruncatio nulla

      Librum deturpat plenaque summa patet.]

Hoc quoque fecit ut hos simili de themate scriptos

      Addicerem uersus post tua dicta meos;

Sed preiudicium nolim pro uersibus istis

20

      Versibus ut fiat, docte Mathee, tuis.

Incedis, petitur semita lata michi.

      More meo dixi; si plenius aut magis apte,

Non ideo tua sit musa molesta mee.

      Cesset in hoc liuor, sit minima gratia nobis,

25

Inque uicem nostrum dicat uterque "uale".