9. denuo de numero versuum

Hic testamenti tenor est quo plaudit Hebreus.

      Nosce apices sacros. Hos legit ipse libros.

Fert hec testa uetus uelut ad duo milia uersus

      De nostra uariis additione locis.

5

Sunt euangelii suppletio mille trecenti

      Preter tres alios quindeciesque duos.

Contigit istud ibi numerus remaneret ut impar,

      Et numero uolui signa subesse rei.

Res uero que sit uel signa rei, studioso

10

      Scrutinio, lector, scire relinquo tibi.