1.

"Pallida Tisiphone, Furiarum maxima quondam,

Flebilis Allecto fortesque venite sorores.

O te mortalem, tua qui modulantia verba

Fingis et immanem me tantis questibus accis,

5

En ego, Tartareis veniens de sedibus ipsa,

Bella nefanda gero. Quisquis mea numina clamas

Respice ad hec: assum, manibus nova perfida porto.

Arte nullius terret ditionis imago,

Ast ego, cuncta virum prosternens corpora; nostra

10

Sub iuga conveniunt homines pecudesque volucres

Et quod lympha vehit nullumque superbia tantis

Moribus instruxit quem non crudeliter ingens

Perforet ense manus. Nusquam mihi defuit ignis:

Quod rapimus nostrum est: sternit velut ante solebat

15

Officiosa manus solito iam dogmate docta.

Quod si tantus amor nostras turbare cohortes

      Preparet officio se tua pelta meo".