1.

Pectora celsa gerens inflata superbia nullos

      Concipit equales nec sibi consimiles.

Dum tamen alta petit, casus passura molestos,

      Corruit a cunctis despicienda viris.

5

Vt quondam turbo quassus veniente flagello

      Ventorum magnis vertitur hic furiis,

Salpicat hinc aquilo, turbat eurus, timpanat auster,

      Africus in giri mox venit auxilium,

Qui dum terrarum virides cupit urere plantas,

10

      Protinus in furia deficit ipse sua,

Sic ea pituitans, quam si vis vincere, mentis

      Vtere consiliis et sibi frena tene,

Pone supercilium, frontem dedisce rugosam;

      Cum loqueris cunctis gratus inesse velis,

15

Subice te sociis, magnos venera, te minores

      Substine. Sic humilis omnibus aptus eris.

Spernitur incessus scopulosus, devia montis

      Vitantur, plana plus placet ire via".