6. item ad Robertum archiepiscopum

Praesul praecipue, atque venerande,

Culmen magnificum ecclesiarum,

Summus noster honor, noster et altor,

Luxque, insigne decus, digna salusque

5

Nostri sancte gradus, ordinis auctor:

Quae digesta meo, suscipe, sensu.

Sacra tange manu quae fero supplex,

Intemptata sciis grammaticae artis:

Ac rimare legens quaeque peracta,

10

Quae nos dulcis amor, curaque summa

Patris praecipui, et dulcis, almi,

Magni Patricii, et reverendi

Ricardi celebris orbi labanti

Aeterna patria, iure potentis,

15

Quanquam sat breviter, scribere fecit.

Qui bonitate cluens et pietate,

Simplicitate valens et probitate,

Fulgens iudicio iustitiaque,

Regno splendidior floruit isto,

20

Magni Clotharii tempore regis

Hugonisque ducis, postea regis:

Cuius corde sagax, menteque prudens

Expensas memora, factaque, dicta.

Recte quo valeas aequiperari

25

Digne consimili iam bonitate

Tam digno comiti, tamque celebri,

Tam iustoque, bono, tamque modesto,

Tam sancto, pio, tamque colendo;

Iuste quo fruitur atque potiri

30

In coetum superum ireque dexter,

Agnus candidulo vellere pulcher,

Iunctus coelicolis pace perenni.

Pontificalis apex et honor,

Culmine praecipuo renitens,

35

Gloria pontificum merita,

Pastor opime gregis Domine,

Pacifica pietate calens,

Officiis generose piis,

Ecclesiae ordinis, atque gradus

40

Palma, decusque, fidesque, salus,

Christicolaeque caput populi,

Egregium auxilium patriae,

Vir venerande, sacer meritis,

Belligeri egregii proavi,

45

Martyrio micantis avi,

Praeducis eximiique patris,

Ingenio reserata meo

Thematis ordine prosaici

Stultilogo, stolidoque, hebete,

50

Inscia, inepta videque, cape.

Materie fluitanda sua,

Dulcia, munifica, et stupida,

Famine, veridico alloquio,

Gesta legens, replicando diu,

55

Quae bona repperies memora.

Fruge salutifera segetum,

Pasce animumque tuum his epulis;

Talibus instrue corque tuum;

Actibus aequiperis valeas

60

Currere cum seniore viro,

Cum patre, cum genitore sacro.

Gloria, vita, salus, probitas,

Sospite corpore, quin animo

Longa per innumerum tibi sit.

65

Postque necis lugubre exicitium,

Elisia patria vigeas

Participans ΘΗΩΘΗΝ ΩΓΡΑΝΥΚΑΝ