Emicat hic pater haelisio

Sanctus Eparchius astrigero.

Ordine fulget apostolico,

Martiribus socius numero,

Mundifico renitetque coro.

Ipse sacer relevet meritis

Almifluis proprios sceleris

Fascibus attribuatque suis

Auxiliator opem miseris,

Quem policis veneramur odis.

Oppida scandere celsa poli

Nos iubeat meritum Domini

Huius Eparchii nec deici

Cedat in interitum zabuli,

Impetret ac residere sibi.

Prestet ac annuat altithronus

Quae petimus famuli Dominus,

Gloria cui sit honorque salus,

Cui polus et humus ac pelagus

Iure canant: "Tibi doxa, Deus."