1

In laudibus Eparchii,

Sancti patris piissimi,

Ante conspectum Domini

Melos canamus cantici.

2

Caelo cum sanctis moribus,

Erectis ergo cordibus,

Deum nobis propicium

Laudemus per Eparchium.

3

Prostratus, Christo invidus,

Per quem pavescit inferus,

Cum depulit exanimum

Duorum mortes hominum.

4

Praeclarus nempe genere,

Praeclarior fulsit fide,

Huic mundo renuncians,

Regi superno militans.

5

Ergo te, Christe, poscimus

Eparchii sancti precibus

Ab omni malo sedulos

Tuos defendas famulos.

6

Gloria tibi, Domine,

Semper sit, rex perpetuae,

Nobisque tuae porrige

Manum misericordiae.