1

Annua festa vigent rutilo

Patris Eparchii tripudio.

Concio sancta nitet solito

Fulgidiore nitore sacro

Gloria vertice sidereo.

2

Rex ideo petimus, Domine,

Nos miserans benedic, refove.

O bone, tende manumque tuae,

Perpie, quaesumus, Ecclesiae.

Erue nos, tege, cerne, rege.

3

Rector Eparchio qui tribuis

Funera frigida letiferis

Bina trahentibus excidiis

Ad superos rediviva magis,

Ac magis inclita signa facis.

4

Poscimus huius heri meritum,

Ne libeat tetigisse solum,

Sed placeat renuisse dolum,

Colla trilinguia pestiferum

Calce terenda vel imperium.