Victimae paschali laudes immolent christiani.

2a

Agnus redemit oves; Christus innocens patri reconciliavit peccatores.

2b

Mors et vita duello conflixere mirando; dux vitae mortuus regnat vivus.

3a

Dic nobis, Maria, quid vidisti in via?

3b

Angelicos testes, sudarium et vestes.

4a

Sepulchrum Christi viventis et gloriam vidi resurgentis;

4b

Surrexit Christus, spes mea, praecedet suos in Galilaea.

5a

Credendum est magis soli Mariae veraci quam Iudaeorum turbae fallaci.

5b

Scimus, Christum surrexisse ex mortuis vere; tu nobis, victor, rex, miserere.