Post domini morsus damnentur Tartara prorsus,

      Ad pacis visum pateat via per paradysum.

Stirpe patrum magnus virtuteque par Herimannus

      Semper amans vitam ducere pacificam,

5

Ah miseram sortem passus per vulnera mortem

      Supplex, Christe, tuus oppetit innocuus.

Octobris sidus et tertia tunc erat idus,

      Quando polo flatum reddidit inde datum.

Ianua vos vitae, paradysum nunc aperite,

10

      Hierusalem superi pandite clavigeri.