Ad altare sancti Benedicti

Spretis labilibus mundana terit Benedictus,

      Vas prece consolidat, membra rigore domat.

Parent opposita cruce rupto vase venena

      Mente vagus monacus redditur emeritus.

5

Hunc ne se linquat tonitru germana coartat,

      Quae, dum corpus obit, astra columba petit.

Mundus conspicitur, Germanus ad alta levatur.

      O Benedicte, tuum perficis ecce gradum.