Musa ad sorores

Salve, cara mihi contio, quam cordetenus colo.

Ad te Musa tui iam redeo concita amiculi

Cantatura tibi carmina, quae iusserat is mihi,

Qui te mire colit, diligit, amplectitur ac fovet,

5

Qui non ficte tuum semper honorem cupit intimum.

Attentis, precor, haec auribus et mentibus accipe

Et percepta tuo firmius haec credito corculo,

Vt post hinc memorem te Herimanni crebrius tui

Reddant sive salutis potius perpetuae tuae.

10

Et me si inlepido ore canam voceve raucida,

Non mox despicias ridiculo me neque despuas,

Noris sed potius, si melius possem et honestius

Essem docta, tibi concinerem multo libentius.

Sed nunc qualiacumque haec mea grate, rogo, suscipe,

15

Discens atque tene sicque mihi succine "Eia age"!