1

Aurea frequenter lingua in sublimi hetera

Tinniboat atque strepat agmina angelica,

Iugi voce regem laudant regnantem in secula.

2

Clara sonant circumcirca horgana cum cantica,

Illic melos nova tuba plaudet vox armonica,

Civitas sancta superna micat luminaria.

3

Cum non esset operata absque Dei opera

Creans spera et in ipsa sidera lucencia,

Separavit fundamenta arida ab equora.

4

Omnia creavit simul cum summa potencia

Ad honorem plasma suum, que fecit in secula,

Volucres et huniversa sub celo reptilia.

5

Pulcher valet ver in silva, florigera tempora,

Quando humus fert erbarum copia titanica,

Vernat silva frondosarum species virencia.

6

Ibi cantant <tunc> caterva volucrum lustrancia,

Ex quarum huna plus manet corporis exigua,

Nomen clara hac robusta philomela nuncupat.

7

Salliendo nemorosa petit alta † silva dies

Phil<omel>a titubando arborum cacumina,

Nocte numquam cessat densa clangere armonia.

8

Prolixa non rauca mittit voce sepe sibila,

Plura canit incantando saltuum prostibula,

Gliscit mirabilis membra ludens menia carmina.

9

O tu parva, cur non cessas clangere, avicula?

Estimas nunc superare omnes arte musica?

Aut quid cum lira contempnis sonora dulciflua?

10

Vltra vires iocabunda luctas thimfanistria,

Te auscultant vigilando regalis insignia,

Laudat procerum caterva tua plura cantica.

11

Cessa, cessa fatigando lassata iam bucula,

Quia premis dormizantes clam iugiter nausia,

Omni ora pro quid canis digna ovans sidera?

12

Misera, infelix illa, tam tenuis viscera,

Que nec tumes saciata opima cibaria,

Speras cantizando cunctis imperare gracia?

13

Iam cessato laborando, non premitit brachia,

... te cuncti auscultant, nemo dat iuvamina

Nisi ipse, qui te fincxit propria spiramina.

14

Parce vatem iam secura, heiulare tardita,

Conticesce, conticesce, ne crepando clangita,

Ancxiata vires nollis, locum tuum propera.

15

Illa vero stringens pauca modulorum garrita

In estate stupefacta pro natorum gloria.

Bruma tegit nebulosa corpus sua funera.

16

Trinitas sancta superna nostra purget crimina,

Vt ad alta poli summi introducat limina

Regnareque nos concedat per secla in aeterna. Amen.