De sancto Theodgaro, Ympnus

Stella recurrens circuli solaris

Sacra reduxit festa confessoris,

Inclita cuius merita resplendunt

Variis signis.

5

Iste restaurat morbidis medelam,

Surdis auditum, tacitis loquelam,

Pedibus claudis robur et virtutem

Precibus dignis.

Laude splendebat celebre, dum vixit,

10

Hincque post mortem conditor euexit,

Conferens illi que suis promisit,

Gaudia regni.

Corde sincero rogitemus sanctum,

Quatenus nobis tergat Eue planctum;

15

Audiat libens huius ympni cantum

Laude perhenni.

Sit deo soli decus et potestas,

Cuius in celis rutilat maiestas,

Qui regit mundum, angelos gubernat,

20

Trinus et unus.