1

Bene supra terminatis, lector constantissime,

Addam rithmum de ipsius vita pii praesulis,

2

Immo carmen opiparum legentem reficiens,

A devotis ut legatur actibus mirabile.

3

Hinc adiungam, sui sacri rex Pippinus corporis

Quomodo translationem digne celebraverit.

4

Ille nobis credo sanctis obtinebit meritis,

De commissis delictorum veniam praeteritis;

5

De futuris implorabit cautelam sanctissimus

Dari nobis, donec manet huius vitae spiritus.

6

Pacem bonam et vivendi tempus felicissimum,

Dies longos et salutem auget suis precibus;

7

Regnum quoque sine fine et caeleste gaudium

Coronamque pretiosi impetrabit lapidis.