Hic pater egregius meritis Bonifatius almis

Cum sotiis pariter fundebat sanguinis undam,

Inclyta martirii sumentes stemmata sacri.

Terra beata nimis sanctorum sanguine dives,

5

Transvolat hinc victor miles ad praemia caeli,

Vltima cespitibus istis vestigia linquens.

Suadeo quapropter curvato poplite supplex,

Tu quicumque legis, terris his oscula fige.

Spes tibi magna fiat lacrimas ascendere caelum

10

Hinc potuisse tuas fultas patronibus istis.

Hic manet ille cruor cuncto preciosior auro,

Menbraque caelesti rore hic perfusa quiescunt.

Adiuvat hinc Paulus, doctor Bonifatius inde,

Haec illis quoniam constat simul aula dicata.