Christe, velis miseri bene, rex clemens, misereri!

Flagris parce, queso! prebe medicamina leso!

Tu donare vales medicinas spirituales;

Servus ero gratus monachorum morte levatus.

5

Sic sic lugentem misere veniamque precantem

Mox pietas Christi levat hunc a verbere tristi.

O quam devote, dum fungitur ille salute,

Nos adiit plorans, veniam miserabilis orans.

Christi natalis erat ipse dies specialis,

10

Festo sollempni coram populo venit omni.

Abbatis pedibus lacrimans provolvitur huius

Ecclesie, stringit vestigia, basia fingit;

Post pedibus nodis gressus petit ipse prioris,

Fratri Gualtero curvatur poplite flexo,

15

Expers pannorum stans in medio monachorum.

Presule Sansone nobiscum festa colente,

Illo presente persolvit rapta repente.

Insuper ecclesie se servum contulit ille,

Federe placavit nos tali, post remeavit.

20

Ob laudem Domini factum miserabile scripsi;

Qui me dente tetro lacerant pro paupere metro,

Racha cum fatue letale minatur eis ve!