Hic Malchi mores describis, ut omnis homo RES,

Quas vivens gessit, gerat, ut sibi summa quies SIT.

Qui purus totus, redolens ut in igne sacro THVS,

Malche formose coniunxit amore pio SE;

5

Res defectivas contempsit uterque Dei VAS;

Interiusque meros implevit iustitiae ROS;

Taliter accensos muniverat Omnipotens HOS,

Ne castos quaevis macularet luxuriae VIS.

Solius est Eius tam dulcis amiciciae IVS,

10

Cuius magnus honos coniunxit amore Suo NOS.

Quare devote moneo, precor, omnis homo, TE,

Vt fidei navi vectus, Christique bona VI,

Linquas ima; tene callem patriae superae! NE,

Dum male queris opes, tuus insiliat baratro PES.

15

Quid nitidae vestes, quid splendida gemma, quid est AES?

Nil animae prosunt, quasi stercora cuique bono SVNT.

Dives es et sospes, tua si manet in Domino SPES;

At si diffidas, fato te precipiti DAS.

Terrea contempnas, bone serve, lucrare decem MNAS,

20

Quas Domino prestes, ut in ipsius requie STES!