Quartus ibi iustorum Iustus in ordine busto

Clauditur; heret Honorius huic in sorte patrono

Alta tenent fastigia culminis ii duo vasti.

Presulibus decoratur ab his haec aula canora

5

His domus haud ruitura, manens ducibus redimitur

His domus est stabilita viris, non arte fabrili

His domus est vestita. Patres fulsere modesti,

Magnus uterque sacerdos, optimus, almus et acer

His domus est venerabilis, hic habitacula vera

10

Hic paradisus habetur et alta quies sine labe.