Vt supra super Petrum priorem

Mors uelut effrenis ruptis bacchatur habenis:

      Tollit enim iuuenes, tollit et ipsa senes.

Sed, quicquid tulerit, quaecunque nefanda patrarit,

      Est, feriendo Petrum, grandius ausa nefas.

5

Iste quidem Petrus et coenobita Dolensis

      Eiusdemque domus ipse decanus erat,

Qui prudenter agens domui sic praefuit illi

      Defuncto ut uiuas uiuus agat lacrimas.

Hic modo, Petre, iaces, si sint Petrus ossa cinisque;

10

      Mansio spiritui sit domus ampla Dei.